ஆடி நோம்பி....


தீபாவளி,பொங்கலுக்கு அடுத்து ஆவலோட எதிர்பார்த்திட்டு இருக்கிற நோம்பி இந்த ஆடி நோம்பி தான்.காவிரி சூலூர் பக்கம் பாயலைங்கறதுக்காக ஆடி நோம்பியைக் கொண்டாடாம இருக்க முடியுமா??மே மாசம் பள்ளிக்கூடம் ஆரம்பிச்ச பின்னாடி வர்ர மொத லீவு இந்த ஆடி நோம்பிக்குத்தான். இது தான் முக்கிய காரணமின்னாலும் தூரியாடறது, பட்டம் உடுறது, தேங்காயை வாட்டி சாப்பிடறதுன்னு இந்த நோம்பியை எதிர்பார்த்திட்டு இருக்க இன்னும் பல காரணங்கள் இருக்கு.

ஆடி 18 என்ன கெழமை வருதுன்னு அப்பா ஒரு மாசம் முன்னாடி பார்த்து சொல்லுவாரு. எங்க அத்தை ஊட்டுக்குப் போறதா இல்லை அவங்க இங்க வருவாங்களான்னு ஒரு பத்து நாளைக்கு வீட்டில பெரியவங்க டிஸ்கஷன் பண்ணுவாங்க.முடிவென்னமோ எப்பயும் போல அவங்க இங்க வருவாங்கன்னு தான் எடுப்பாங்க.அப்புறம் வழக்கம் போல எங்க அத்தை,மாமாவை நோம்பிக்குக் கூப்பிட எங்க அப்பா அவங்க வீட்டுக்குப் போயிட்டு வருவாரு.

அம்மியே பறக்கர மாதிரி அடிக்கற ஆடிக்காத்தில தூரி கட்டி ஆடாட்டி அப்புறம் அந்தக் காத்துக்கு என்ன மருவாதை? நோம்பிக்கு முன்னாடியே, வெள்ளிக்கெழமை சந்தையில போயி தண்ணி சேர்ந்திற கயிறு வாங்கிட்டு வந்து வச்சிருப்பாரு. எனக்கு ஒண்ணு, ஒடம்பொறப்புக்கு ஒண்ணு, ஒரம்பொறைக்கு ஒண்ணுன்னு மொத்தம் மூணு தூரி. முரட்டுக் கயிறு குத்தாம இருக்கக் கதர்கடையில வாங்கின பச்சைப் போர்வையை மடிச்சு அம்மா வைப்பாங்க.யார் வீட்டில என்ன பலகாரம்,யார் எங்கே போராங்க, யார் வீட்டுக்கு யார் வாராங்க, எப்போ பட்டம் உடற போட்டியை வச்சுக்கிறதுன்னு நோம்பிக்கு முன்னத்த நாள் முழுக்க, வகுப்பில இது தான் பேச்சாயிருக்கும்.சாய்ங்காலம் வீட்டுக்க வந்த உடனே யூனிபார்மைக் கூடக் கழட்டாம அம்மா சுட்ட முறுக்கை சாப்பிட்டுட்டே ஒரு பத்து வாட்டியாவது தூரியாடணும். கொஞ்ச நேரத்துல அத்தை,மாம்ஸ்,மச்சான் வருவாங்க. அத்தை கொண்டு வந்த உப்பட்டில ஒரு மூணைப் பழத்தோட சேர்ந்து அடிச்ச பின்னாடி ராத்திரிக்கு சோறு எறங்குமா?

நோம்பியன்னைக்குக் கார்த்தலை எல்லாரும் குளிச்சுட்டு செட்டா உள்ளூர்ல இருக்கிற சிவன் கோவிலுக்குப் போயிட்டு வருவோம்.சூலூர் குளத்தில மஞ்சள், வெத்தலையெல்லாம் வச்சு பூசை பண்ணுவாங்க. கோயில் பக்கத்தில இருக்கிற மயிலண்ணன் கடையில பலூன்,பீப்பீ,கலர் கண்ணாடி எல்லாம் மாம்ஸ் புண்ணியத்தில நம்ம கைக்கு வந்துடும்.மச்சான் பட்டம் உடறதுல கில்லாடி. கோயில்ல இருந்து வந்த உடனே பட்டம் கட்ட ஆரம்பிப்போம்.கட்டி முடிச்ச உடனே பட்டம் உட பீரங்கி மேட்டுக்குப் போயிடுவோம். சலிக்கிறவரைக்கும் பட்டம் உட்டுட்டு வீடு திரும்பும் போது தான் தெரியும் மத்தியானம் சாப்படவே இல்லைன்னு.வந்து சாப்பட்டை ஒரு கட்டு கட்டீட்டு மறுபடியும் தூரி தான்.எதாச்சி நல்ல படம் சண்முகதேவியில வந்திருந்தா ரெண்டாவது ஆட்டம் போயிட்டு வருவோம்...

அட..அட..அட..என்ன வாழ்க்கை அது...

ரைட்டுண்ணேன்...

இந்த வருஷம்,ஆகஸ்ட் மூணாந்தேதி ஆடி நோம்பி வருதாம். ஆடிப்பட்டம் தேடிப் பயிரிட்ட விவசாயத்தோழர்களுக்கும்,தலை ஆடிக்கு மாமனார் வூட்டுக்குப் போர அண்ணன் மார்களுக்கும், தூரி கட்டிக்கொடுக்கும் அப்பாமார்களுக்கும், முறுக்கு, உப்பட்டு செஞ்சு கொடுக்கிற அம்மாமார்களுக்கும் எங்களோட ஆடி நோம்பி வாழ்த்துகள்...

Source: http://konguvaasal.blogspot.com/2007/08/blog-post_03.html

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

வீட்டில் நீங்கள் என்னெல்லாம் செய்கிறீர்கள்?

இப்படியொரு கஷ்டம் இருக்கமுடியும் என்று எதிர்பார்க்கவேயில்லை கோயிஞ்சாமி. கடந்த சில மாதங்களாக கோயிஞ்சாமி ஒரு தொலைக்காட்சித் தொடருக்குக் கதை, வசனம் எழுதி வருவது நீங்கள் அறிந்ததே. எந்தப் புதிய பணியை ஒப்புக்கொண்டாலும் ஆர்வமும் அக்கறையுமாக உழைக்கும் கோயிஞ்சாமியாகப்பட்டவன், இந்தப் பணியையும் அவ்வண்ணமே மேற்கொண்டான். ஆனால் எதிர்பாராத ஒரு பிரச்னையால், தான் எழுதிக்கொண்டிருந்த 254வது காட்சியின்போது துவண்டுபோய் நேற்றிரவு தரையில் விழுந்தான். அவனது கணினி அநாமதேயமாக இரவெல்லாம் அப்படியே எழுத ஆளில்லாமல் காத்துக்கிடந்தது என்று பிடிஐ செய்திக்குறிப்பொன்று தெரிவிக்கிறது. கோயிஞ்சாமியின் பிரச்னைதான் என்ன? ஒரு தொடர் என்றால் அதில் நான்கு அல்லது ஐந்து வீடுகள், அந்தந்த வீட்டு மனிதர்கள் , அவர்களின் கதைகள் என்று தான் நகரும். காட்சிகள் பெரும்பாலும் வீட்டுக்குள்தான் இருக்க வேண்டும். இதற்குப் பல்வேறு பொருளாதாரக் காரணங்கள் உண்டென்பதை கோயிஞ்சாமி அறிவான். ஆனால் வீட்டுக்குள் ஒவ்வொரு காட்சி தொடங்கும்போதும் சம்பந்தப்பட்ட பாத்திரங்கள் என்ன செய்துகொண்டிருப்பார்கள்? இங்கேதான் கோயிஞ்சாமி மாட்டிக்கொண்டான். பத்து முறை சாப்பிட்டுக்...
மேலும் படிக்கவும்

கோயிஞ்சாமியும் சர்தார்ஜியும்

சோகத்ததிலும் நம்ம கோயிஞ்சாமிக்கு குசும்பு: 2008....உலகளாவிய நிதி சுனாமியில் கோயிஞ்சாமி வேலை செய்த கம்பெனியும் தப்பவில்லை. அந்த மாதம் அவனது கம்பெனியில் சம்பளம் பட்டுவாடா ஒரு 10 நாள் தாமதம். எல்லோரும் சோகமே உருவாக வந்து போய்க் கொண்டிருந்தனர். கோயிஞ்சாமியின் டிபார்ட்மென்டில் ஒரு சர்தார்ஜியும் இருந்தார். அவரது செல் போனுக்கு வங்கியிலிருந்து SMS வந்தது: Your account no. ***** has been credited with salary Rs. *****.** From: *** Bank சர்தார்ஜிக்கு ஒரே குஷி! உடனே எல்லோரையும் alert செய்து விட்டார்! ஹேய் சம்பளம் வந்து விட்டது! இதோ SMS என்று எல்லோருக்கும் காட்டிக் கொண்டிருந்தார். அப்பொழுது இரவு 12 மணி! எல்லோருக்கும் ஒரு சந்தேகம். இரவு 12 மணிக்கு எப்படி credit செய்தார்கள்? சர்தார்ஜியைக் கேட்டால், காதிலேயே போட்டுக் கொள்ளவில்லை. அவருக்கு கடன் கொடுத்தவரை எல்லாம் போனில் கூப்பிட்டு சொல்லி விட்டார். காலையில் வந்து பணம் வாங்கிக் கொள்ளசொல்லி!! ஆனால் அவரைத் தவிர வேறு ஒருவருக்கும் இந்த alert வரவில்லை! காரணம் - இன்னும் உண்மையில் சம்பளமே வரவில்லை!!! எப்படி? இங்கு தான் நம்ம கோயிஞ்சாமி...
மேலும் படிக்கவும்

மெயின் ஃபிரேம் கோயிஞ்சாமி

கடுப்பாகத் தான் இருக்கிறது, மூன்றாம் முறை இதையே எடுத்துப் போட. என்ன செய்வது, இப்போதுதான் கண்ணன் மூலம் பிரச்னை தலைப்பின் நீளத்தில் இருக்கிறது என்று அறியப்பெற்றேன். அதனால், மீண்டும், ரிப்பீட்டேய்! ------------------ இடது கண்ணில் -3.5, வலது கண்ணில் -4.5 என்று தாராள மனதாக ஏராள எண்களை அந்தக் கண் மருத்துவர் உதிர்த்தபோது அப்பா வாங்கிக் கொடுத்த கோல்ட் ·ப்ரேம் கண்ணாடிதான் கோயிஞ்சாமியின் அடையாளமாகிப்போனது. அப்பா கூட்டிப்போய் சேர்த்துவிட்டதுதான் சுவாமி வாத்சல்யானந்த குருஜி அருளாசி பெற்ற ஐயாறுடையப்பன் இன்ஸ்டிடியூட் ஆ·ப் டெக்னாலஜி (சுருக்கமாக ஐ.ஐ.டியாம்). மெட்ராஸ் யூனிவர்சிட்டி கீழ் வருகிற காலேஜ். மூளையெல்லாம் செலவு செய்து படிப்பது சரஸ்வதிக்கு செய்யும் அநீதி அல்லவா? அதனால், சமத்தாக மார்க்கெட்டு கெயிடு மட்டும் படித்து மார்க்கு வாங்கினான் கோயிஞ்சாமி. எட்டு செமஸ்டர் எக்கிப்பிடித்ததில் எஞ்சினியர் கோல்டு ·ப்ரேம் கோயிஞ்சாமி ஆனான். ஐயாறுடையப்பன் வெறும் விபூதி மட்டுமே அருள் பாலித்திருந்த நிலையில் தெண்டச்சோற்று எஞ்சினியர் கோல்டு ·ப்ரேம் கோயிஞ்சாமி என்று அவனது பெயர் மட்ட...
மேலும் படிக்கவும்